Contacontos

Durante o contacontos [Clic para ampliar imaxe]

Migallas Teatro realiza sesións de narración oral dirixidas a público infantil e familiar a cargo dunha contadora. Nestas sesións recupérase a forma de contar historias dun xeito tradicional. A palabra é a ferramenta básica que estimula a imaxinación de nenos e adultos e mantén a súa atención durante todo o relato.

É daquela unha actividade moi apropiada para campañas de animación á lectura e para abordar dun xeito ameno moitos temas importantes, pois os contos varían segundo os intereses da organización: a diversidade, o sexismo, as persoas maiores, os medos, o abuso da televisión etc.

Contos nas orellas

Cartel do espectáculo Contos nas orellas [Clic para ampliar imaxe]

Contos de risa, trasnos e carapuchiñas. A tradición oral da man da literatura infantil. Co ritmo das ondas no noso maxín, entraremos no mundo da fantasía e da imaxinación...

“Contos nas orellas” engloba cinco sesións diferentes para escoller, cada unha delas arredor dun tema: a diversidade, o Nadal, a risa, a tradición oral e os primeiros contos para bebés. Ditos, cancións e pequenos xogos tradicionais salpican todas as sesións, que teñen como finalidade o gozo da literatura por parte dos pequenos/as.

  • Idioma: galego
  • Público preferente: Infantil e familiar.
  • Xénero: narración de contos.

Ficha artística

Guión e dirección: Bea Campos

Elenco:

  • Contadora: Bea Campos

Ficha técnica

  • Duración: Entre media e unha hora.
  • Medidas do espazo:
    • Ancho: 4 m.
    • Altura ata o teito: 2,5 m.
    • Fondo: 2 m.

Observacións: Límite de espectadores: 50. Proximidade do público para poder ver os contos

María dos contos

Momento do espectáculo María dos contos [Clic para ampliar imaxe]

Os contos tradicionais ou de creación de María dos Contos tratan cuestións moi próximas ós/ás nenos/as e teñen como finalidade, ademais de entreter e divertir, presentar posibles solucións a algúns conflitos propios das idades dos/as cativos/as como poden ser:

  • O medo á escuridade, o afán de posuír xoguetes
  • O escaso tempo dedicado polos pais, os complexos
  • O respecto ós vellos, o sexismo nos xoguetes
  • O respecto á diferencia, o abuso da T.V.
  • As mascotas, os celos, etc...

Tamén hai contos de carácter enumerativo e outros que perseguen simplemente demostrar que os contos poden ser os xoguetes máis divertidos.

  • Idioma: galego
  • Público preferente: Infantil e familiar.
  • Xénero: narración de contos.

Ficha artística

Guión e dirección: María Campos e Carlos Yus.

Elenco:

  • María dos Contos: María Campos.

Ficha técnica

  • Duración: Entre media e unha hora.
  • Medidas do espazo:
    • Ancho: 4 m.
    • Altura ata o teito: 2,5 m.
    • Fondo: 2 m.

Observacións: Límite de espectadores: 60. Proximidade do público para poder ver os contos.

En: