Unha visita cultural teatralizada polo centro histórico dunha vila é unha actividade onde se combina a información cultural e histórica coas representacións teatrais a partir de personaxes e feitos relacionados cos lugares que se visitan. Deste xeito, os contidos transmitidos na visita fanse máis amenos e facilítase o achegamento á historia menos coñecida da vila que se visita.

Combínase neste percorrido o rigor da información histórica co humor, de modo que a visita resulte interesante e entretida para público de todas as idades e intereses.

“Migallas Teatro” ten feito visitas teatralizadas polo centro histórico de Pontevedra en torno a diferentes temáticas: “A Boa Vila desde o Camiño Xacobeo”, sobre o Camiño Portugués ó seu paso por Pontevedra, e “Paseo máxico por Pontevedra”, sobre a Pontevedra medieval e renacentista.

Os contidos, as características e o presuposto de cada visita depende dos medios e intereses dos promotores. Pódense realizar visitas sinxelas con poucos personaxes ou máis complexas con máis actores e medios técnicos e músicos en directo.